اسپیشل ملائی کوفتہ



اجزاء

قیمہ (مشین کا پسا ہوا)۔۔۔۔۔۔۔۔۔۔۔۔۔۔۔۔۔۔ آدھا کلو
چنے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دو کھانے کے چمچ
چھوٹی الائچی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چار عدد
خشخاش۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک کھانے کا چمچ
کالی مرچ (ثابت)۔۔۔۔۔۔۔۔۔۔۔۔۔۔۔۔۔۔۔۔۔۔۔ چار عدد
لونگ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چار عدد
سفید زیرہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک چائے کا چمچ
ڈبل روٹی کے سلائس۔۔۔۔۔۔۔۔۔۔۔۔۔۔۔۔۔۔۔۔ دو عدد
نمک۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حسب ذائقہ
فریش کریم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ آدھا پیکٹ
تیل۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حسب ضرورت
پیاز (باریک کٹی ہوئی)۔۔۔۔۔۔۔۔۔۔۔۔۔۔۔۔۔۔۔ تین عدد
دہی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک پیالی
لال مرچ (پسی ہوئی)۔۔۔۔۔۔۔۔۔۔۔۔۔۔۔۔۔۔۔۔ ایک کھانے کا چمچ
ہلدی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک چائے کا چمچ
دھنیا (پسا ہوا)۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دو کھانے کے چمچ
گرم مصالحہ (پسا ہوا)۔۔۔۔۔۔۔۔۔۔۔۔۔۔۔۔۔۔۔۔ ایک چائے کا چمچ
پودینہ (باریک کٹا ہوا)۔۔۔۔۔۔۔۔۔۔۔۔۔۔۔۔۔۔۔ آدھی گٹھی
ہری مرچ (باریک کٹی ہوئی)۔۔۔۔۔۔۔۔۔۔۔۔۔۔۔ چار عدد
ہرا دھنیا (باریک کٹا ہوا)۔۔۔۔۔۔۔۔۔۔۔۔۔۔۔۔۔۔ آدھی گٹھی


ترکیب

سب سے پہلے چنے، چھوٹی الائچی، خشخاش، ثابت کالی مرچ، لونگ اور سفید زیرہ ملاکر باریک پیس لیں۔ اب ڈبل روٹی کے سلائس توڑ کر قیمے میں ملائیں۔ اس کے ساتھ میں پسا ہوا مصالحہ ڈال کر چوپر میں پیس لیں۔ اب اس میں تھوڑا سا نمک ملالیں۔ اب دو کھانے کے چمچ فریش کریم شامل کرکے چھوٹے چھوٹے کوفتے بنالیں۔ فرائینگ پین میں تیل گرم کرکے کوفتے فرائی کریں اور ایک طرف رکھ دیں۔ اب ہانڈی میں تیل گرم کرکے پیاز گولڈن براؤن کرکے نکالیں اور ٹشو پر پھیلا کر خستہ کرلیں۔ اب پیاز کو ہاتھ سے کچل کر دہی میں ملادیں۔ اس کے بعد لال مرچ، ہلدی، پسا دھنیا، گرم مصالحہ اور نمک ملاکر ہانڈی میں ڈال دیں۔ اب اسے ہلکا سا بھون کر کوفتے پھیلا کر ڈالیں۔ ساتھ ہی گرم پانی شامل کرکے ہانڈی کو ہلاتے رہیں۔ اس کے بعد باقی بچی ہوئی فریش کریم، پودینہ، ہری مرچ ہرا دھنیا ڈال کر پانچ منٹ دَم پر رکھیں۔ مزے دار ملائی کوفتہ تیار ہے۔

Post a Comment

0 Comments