Smart Phone Is Tarha Charge Karain


Smart Phone Is Tarha Charge Karain
Aap apna smart phone ghalat tareeqe sey tou charge nahi kar rahain hain?
Ham jantay hain ke hamray smart phone ki batteries mushkil sey aik din hi chalti hain yahi waja hai ke ham inhain bar bar charge karnay par majboor hain lekin kiya ham mobile phone ki batteries ko durast tareeqe sey charge kar rhain hain? Is ka jawab haan mein hai.Aksar afrad batteries ko us waqt charge kartay hain jab woh khatam hone wali hoti hai,jo aik ghalat tareeqa hai. is liye ab batteries ko charge karnay kay liye apna rawiya tabdeel karna hoga.

Over charging sey bachiye

Battery mukamal charge ho janay par foran charging band kardain, aur raat kay waqt charge kar kay subha phone dekhnay ki adat khatam kardain, kyunke is sey battery kay andar chemiyai nizam shadeed mutasir hone lagta hai.ye bilkul aisa hi hai ke battery full honay kay baad bhi is par charge ki bhar maar ki jae. Over charging battery ki zindagi ghata deti hai aur jald kharab ho jati hai.

Battery 100 feesad tak charge hi na karain

Mobile battery ko 100 feesad tak charge karna durast nahi hai. is sey battery mein charge ki bhar mar hogi aur andar bigaar ka amal shoro hojae ga. is kay bajae jab bhi waqt mile battery ko thora charge kartay rahain, take battery izafi charge sey bach jae.

10 feesad charge kam hone par phone plug sey lagain

Ab kise maloom ke din mein kitni baar charge kiya jae. Agar aap office ya ghar mein hain aur battery ki charging 10 feesad gir chuki hai tou ise charge kiya jasakta hai. is tarha din kay mukhtalif auqat mein ise charge kartay rahiye. Is tarha aik taweel arsay tak smart phone ki battery behtreen halat mein rahe gi.

Battery ko tahnda rakhiye

Garmi aur hararat mobile phone battery ki sab sey bari dushman hai. isi liye phone ko kisi garam jaga par na rakhiye. Jitna mumkin ho phone ko thanda rakiye. Charging kay doran battery mazeed garam hojati hai aur ise charging kay waqt dhoop mein na rakhiye. Is tarha battery behtar halat mein rahe gi.

Post a Comment

0 Comments