پنجابی نعت - جس دل وچ عشق محمد ہووے - نعت شریف - نعت رسول مقبولﷺ

پنجابی نعت - جس دل وچ عشق محمد ہووے - نعت شریف - نعت رسول مقبولﷺ
پنجابی نعت - جس دل وچ عشق محمد ہووے - نعت شریف - نعت رسول مقبولﷺ
جس دل وچ عشق محمد ہووے ، اس دل وچ نور آجاندا اے 
جدوں لئیے ناں محمد دا ،  محفل نوں سرور آجاندا اے 

میں طُور دی عظمت مندا ہاں ، پر وکھری شان مدینے دی 
جدوں ٹُرئیے شہر مدینے نوں ، ہر قدم تے طُور آجاندا اے 

جنہوں مل جائے قربت سوہنے دی ، اوہ نیڑے رب دے ہو جاوے 
جہڑا ہووے دور محمد توں ، اوہ رب توں دور آجاندا اے 

جد سُنئیے قصہ کربل وچ ، سیّد تے ورھدے تیراں دا
حُب دار دی اکھ وچ ہنجوؤاں دا سیلاب ضرور آ جاندا اے 

اوہدے حکم تے سورج مُڑدا اے ، چن ٹوٹے ہو کے جُڑدا اے 
اوہدا حکم ہووے تے پتھراں نوں بولن دا شعور آ جاندا اے 

جد ویکھاں اپنے عملاں نوں میں مہر ڈب ڈب جانا ہاں
جد ویکھاں تیری رحمت نوں ، جُرماں تے غرور آ جاندا اے

ﷺ 

مہر محمد سفیان


Post a Comment

0 Comments